ເຢຍລະມັນ ມີແຜນຈະປົດປະຈຳການເຮລີກົບແຕໂຈມຕີລຸ້ນ Tiger ໃນປີ 2032
ສຳນັກຂ່າວຕາສ ລາຍງານ ໂດຍອີງຕາມຂ່າວຂອງກອງທັບເຢຍລະມັນເປີດເຜີຍເມື່ອວັນທີ 31 ມັງກອນ ທີ່ຜ່ານມາວ່າ: ກອງທັບ
ຕົນມີແຜນຈະປົດປະຈຳການ ເຮລີກົບແຕໂຈມຕີລຸ້ນ Airbus Helicopters Tiger ທີ່ມີປະຈຳການໃນກອງທັບຕົນມາເປັນເວລາ
ຫຼາຍປີ ເຊິ່ງມີກຳນົດປົດປະຈຳການໄປເທື່ອລະໜ້ອຍຈົນເຖິງປີ 2032 ໂດຍເຮລີກົບແຕ ລຸ້ນດັ່ງກ່າວທີ່ຈະຖືປົດປະຈຳການມີຈຳນວນ
ທັງໝົດ 33 ລຳ.
ກອງທັບເຢຍລະມັນມີເຮລີກົບແຕໂຈມຕີລຸ້ນດັ່ງກ່າວທັງໝົດ 51 ລຳ ແລະ ມີ 13 ລຳທີ່ໄດ້ຮັບການປັບປຸງໃຫ້ມີຄວາມທັນສະໄໝ
ຂຶ້ນດ້ວຍການປ່ຽນເຄື່ອງຈັກທີ່ມີກຳລັງແຮງເຄື່ອນທີ່ໄດ້ໄວ ເໝາະສຳລັບພາລະກິດລຳລຽງພົນ, ກູ້ໄພເມື່ອມີເຫດເກີດຂຶ້ນ ແລະ ສະໜັບ
ສະໜູນໃນການໂຈມຕີ.
ພ້ອມດຽວກັນນັ້ນ, ກອງທັບເຢຍລະມັນກໍມີການຈັດຊື້ເຮລີກົບແຕໃຊ້ງານທົ່ວໄປເຂົ້າມາສະໜັບສະໜູນ ແລະ ທົດແທນເຮລີກົບ
ແຕລຸ້ນທີ່ຈະຖືກປົດປະຈຳການໄປເຊັ່ນ: ເຮລີກົບແຕລຸ້ນ Airbus H145M ຈຳນວນ 62 ລຳ ແລະ ມີແຜນຈະນຳເຂົ້າໃນການສະໜັບ
ສະໜູນກອງທັບພາກສະໜາມຈຳນວນ 57 ລຳ ແລະ ອີກ 5 ລຳ ແມ່ນຈະມອບໃຫ້ກັບໜ່ວຍງານພິເສດຂອງກອງທັບເຢຍລະມັນ.
ແຫຼ່ງທີ່ມາ: ໜັງສືພິມກອງທັບ
ວັນທີ 06/02/2024